Rusiya, ABŞ və Fransa prezidentləri Dağlıq Qarabağ münaqişəsi ilə bağlı bəyanat yayıb

ATƏT Minsk qrupunun həmsədr ölkələrinin rəhbərləri, Rusiya Prezidenti Vladimir Putin, ABŞ Prezidenti Donald Tramp və Fransa Prezident Emmanuel Makron Dağlıq Qarabağ münaqişə zonasında eskalasiyanı qəti şəkildə pisləyir.

Trend-in məlumatına görə, bu barədə prezidentlərin birgə bəyanatında deyilir.

Bəyanatda münaqişə nəticəsində həlak olanlarla əlaqədar başsağlığı verilib:

“Biz münaqişə tərəflərini döyüş əməliyyatlarını dərhal dayandırmağa çağırırıq. Biz, həmçinin Ermənistan və Azərbaycan rəhbərlərini ATƏT Minsk qrupu həmsədrlərinin dəstəyi ilə tənzimləmə üzrə ilkin şərtlər olmadan danışıqların bərpa olunması məqsədilə üzərlərinə öhdəlik götürməyə çağırırıq”.