Rusiya hərbi helikopteri Yaponiya hava məkanını pozdu

Rusiyanın “Mi8” tipli hərbi helikopterinin Yaponiyanın şimalında Hokkaydo ərazisində hava sahəsini pozduğu bildirilir.

“Anadolu” agentliyi bu barədə Yaponiya Müdafiə Nazirliyinin açıqlamasına istinadla xəbər yayır.

Bildirilir ki, Rusiya “Mi8” hərbi helikopteri Hokkaydonun şərqində Şiretoko burnu hissəsində Yaponiya hava məkanına daxil olub.

Təsadüfi sərhəd pozuntusu etdiyi qeyd olunan helikopter Yaponiya Hava Özünü Müdafiə Qüvvələrinin (ASDF) döyüş təyyarələrinin xəbərdarlığından sonra bölgəni tərk edib.

Hadisədən sonra Yaponiya Xarici İşlər Nazirliyi tərəfindən Moskvaya etiraz göndərildiyi qeyd olunub.