Rusiya ilə Ermənistanı birləşdirən yol bağlandı

Rusiya ilə Gürcüstan sərhədində yerləşən hərbi-Gürcüstan yolu bağlanıb. Avtosfer.az axar.az-a istinadən xəbər verir ki, yolun bağlanmasına səbəb əlverişsiz hava şəraiti və Gürcüstan tərəfində qar uçqunu təhlükəsi olub. Şimali Osetiya Fövqəladə Hallar Nazirliyi də yolun uçqun təhlükəsinə görə, bu gün yerli vaxtla saat 08:00-dan etibarən bağlandığını təsdiq edib. Qeyd edək ki, hərbi-Gürcüstan yolu Rusiya ilə Ermənistanı birləşdirən yeganə quru dəhlizidir.