Sabahın hava proqnozu

Noyabrın 13-ü Bakıda və Abşeron yarımadasında dəyişkən buludlu hava üstünlük təşkil edəcək, arabir tutulacaq. Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan verilən məlumata görə, gün ərzində mülayim cənub küləyi əsəcək. Bakıda və Abşeron yarımadasında havanın temperaturu axşam saatlarında 6-10, gündüz 14-18 dərəcə olacaq. Rayonlarda da noyabrın 13-ü hava əsasən yağmursuz keçəcək, gecə və səhər bəzi yerlərdə duman və çiskin olacaq. Lakin Lənkəran-Astara zonasında yağış yağacağı gözlənilir. Şərq küləyi əsəcək. Aran rayonlarında temperatur gecə 5-10 dərəcə, gündüz 13-18 dərəcə, dağlıq ərazilərdə gecə 0-5, gündüz 8-13 dərəcə isti olacaq.

Fərid