Saray körpüsü üzərindən avtobusların hərəkəti bərpa olunub - AYNA

Sumqayıt şəhərini Saray qəsəbəsi ilə birləşdirən körpüdə aparılan təmir-tikinti işləri başa çatıb və nəqliyyat vasitələrinin hərəkəti bərpa olunub.

Bu barədə Avtosfer.az-a Azərbaycan Yerüstü Nəqliyyat Agentliyindən (AYNA) bildirilib.

Məlumata görə, söküntü və təmir işləri ilə əlaqədar hərəkət sxemi müvəqqəti dəyişdirilən 16/19, 17, 18, 27, 505, 521, 522 və 523 nömrəli marşrutların fəaliyyəti əvvəlki sxem üzrə bərpa edilib.