Saxta sənədlə avtomobil satan şəxs tapılıb

Azərbaycanda polis saxta sənədlə avtomobil satan şəxsi tapıb. Avtosfer.az xəbər verir ki, bu barədə Daxili İşlər Nazirliyinin (DİN) rəsmi saytı məlumat yayıb. Məlumata görə, Gəncə şəhər sakini Seymur Rzayevin saxta etibarnamə tərtib edərək Sumqayıt şəhər sakinləri Nurəddin Vəliyevə məxsus "Mercedes", Şahin Ələkbərova məxsus "Mercedes" və Gəncə şəhər sakini Şamil Abbaslıya məxsus "Ford" markalı avtomobilləri satmasını Baş Dövlət Yol Polisi İdarəsi əməkdaşları müəyyən edib.

Faktla bağlı araşdırma aparılır.