Səfirliyin 20 avtomobili üsyançılara qaldı - VİDEO

Yəmənin paytaxtı Sanada Amerika Birləşmiş Ştatları səfirliyinə məxsus 20 avtomobil üsyançıların əlinə keçib. Avtosfer.az anspress-ə istinadən məlumat verir ki, bir qədər əvvəl Yəməndə baş verən dövlət çevrilişi ilə əlaqədar səfirliyin əməkdaşları ölkədən təxliyə olunmuşdular. Səfir və diplomatlar avtomobillərini hava limanında tərk ediblər. Amerika hökuməti səfirliyə məxsus avadanlıqların təhvil verilməsini tələb edib. Yeni müvəqqəti hökumətin təhlükəsizlik rəsmiləri avtomobillərin geri qaytarılacağını, lakin prosesin BMT xətti ilə icra olunacağını bildiriblər. Yəməndə müşahidə olunan qeyri-stabil vəziyyətlə əlaqədar, eyni zamanda, Böyük Britaniya və Fransa səfirlikləri də bu ölkədə fəaliyyətini dayandırıb. Hazırda Yəmən hökuməti Husi hərəkatı tərəfindən idarə olunur. BMT-nin baş katibi Yəməndə vətəndaş müharibəsi gözlənildiyinə dair xəbərdarlıq edib. “Yəmən gözlərimizin önündə tənəzzülə uğrayır. Biz bunu kənardan müşahidə edə bilmərik. Mümkün qədər tez Yəmən xalqına ölkədə legitim dövlət qurması üçün kömək etməliyik”. 

Yəmən Əl-Qaidə qruplaşmasının ən fəal olduğu ölkələrdən biridir.