![Nişanın biri səhv yerə quraşdırılıb, digəri isə görünməz yerdədir - VİDEO](/upload/news/small/603763.jpg)
Şəhərin əsas yollarından biri çökdü- FOTOLAR
![Şəhərin əsas yollarından biri çökdü- FOTOLAR](/upload/news/c89959.jpg)
Xırdalan şəhərinin əsas yollarından birində asfalt çöküb. Avtosfer.az anspress-ə istinadən xəbər verir ki, Heydər Əliyev adına parkın qarşısındakı yolun çökməsi avtomillərin hərəkətinə maneə törədib. Nəticədə həmin ərazidə böyük tıxac yaranıb. Maraqlıdır ki, yolun çökməsi ilə əlaqədar heç bir xəbərdarlıq işarəsi qoyulmayıb. Ətrafda yaşayan sakinlər isə vəziyyətdən çıxış yolu üçün unikal addım atıblar. Belə ki, ətrafdakı sakinlər tərəfindən çüküntü baş verən əraziyə taxta parçası qoyulub. Bununla da sakinlər sürücülərin çöküntü olan yerə diqqətini çəkməyə çalışıblar.
Qeyd edək ki, hələlik çöküntü baş verən yolda təmir işləri aparılmır. Sürücülərin sözlərinə görə, hərəkət belə intensiv davam edərsə yolda nəqliyyatın hərəkəti tamam dayana bilər.
“Azəryolservis” ASC-nin mətbuat xidmətinin rəhbəri Pünhan Mürsəliyev isə açıqlamasında sözügedən ərazinin ASC-nin kurasiyasında olmadığını deyib. O bildirib ki, bu cür xırda yollar “Azəryolservis” ASC-nin nəzarətində deyil.
Xatırladaq ki, yol çöküntüsü baş verən ərazi Xırdalan şəhərinin magistral yollarından biridir. Görünür, bu cür çöküntülərin qarşısını almaq üçün sakinlər hələ çox variantlar axtramalı olacaq.