Şəhid hərbçilərin ailələrinə medallar təqdim olunacaq

Azərbaycan Ordusunun Müdafiə naziri general-polkovnik Zakir Həsənov tərəfindən təltif olunmuş şəhid hərbçilərinin ailələrinə mükafatların təntənəli şəkildə təqdim olunması mərasimləri keçiriləcək. Müdafiə Nazirliyindəki mənbələrdən Trend-ə bildiriblər ki, bu gün respublikasının bir sıra şəhər və rayonlarında döyüş tapşırığını yerinə yetirərkən şəhid olmuş və ölümündən sonra Müdafiə naziri general-polkovnik Zakir Həsənov tərəfindən təltif olunmuş şəxslərin bir qisminin ailələri ilə görüşlər keçiriləcək. Mərasimlərdə təltif olunmuş şəhid hərbçilərin medalları təntənəli şəkildə onların ailələrinə təqdim ediləcək. Mükafatların təqdim edilməsi mərasimində Müdafiə Nazirliyinin rəsmiləri, yerli icra orqanlarının məsul şəxsləri edəcəklər.

Qeyd edək ki, rəsmi məlumatlara görə, iyulun 30-dan 31-nə keçən gecədən etibarən bu günədək Ermənistan Silahlı Qüvvələri ilə baş verən döyüşlərdə Azərbaycan Ordusunun 14 hərbi qulluqçusu şəhid olub.