Şəkidə avtomobil piyadanı vurdu
Gündəm
13 İyun 2015 13:37
Oxunub 1282
Xanlar Əhmədov xəstəxananın reanimasiya şöbəsinə yerləşdirilib
Şəkidə piyadanın vurulması ilə nəticələnən yol qəzası baş verib. Hadisə Yevlax-Zaqatala-Gürcüstan sərhəd magistral yolunun 41-ci kilometrliyində, Şəki rayonu Cəfərabad kəndi ərazisindən keçən hissəsində baş verib. Bərdə rayon sakini, 1987-ci il təvəllüdlü Sənan Əli oğlu Şahbazov idarə etdiyi “Ford Tranzit” markalı, 90 JN 230 dövlət nömrə nişanlı xırda tutumlu yük maşını ilə yolu keçmək istəyən piyada, Şəki rayonu Cəfərabad kənd sakini, 1978-ci il təvəllüdlü Xanlar Hacıəhməd oğlu Əhmədovu vurub. Qəza nəticəsində müxtəlif dərəcəli bədən xəsarətləri alan Xanlar Əhmədov Şəki Rayon Mərkəzi Xəstəxanasına (RMX) aparılıb.
Şəki RMX-dan APA-ya verilən məlumata görə, Xanlar Əhmədov xəstəxananın reanimasiya şöbəsinə yerləşdirilib, vəziyyəti orta-ağır qiymətləndirilir.
Faktla bağlı Daxili işlər Nazirliyinin (DİN) Baş Dövlət Yol Polisi İdarəsinin istintaq və təhqiqat bölməsində araşdırma aparılır.
ŞƏRH YAZ
DİGƏR XƏBƏRLƏR
