Sənədsiz avtobus idarə edənlərə qarşı reyd - VİDEO

Nəqliyyat Nazirliyinin Dövlət avtomobil xidməti paytaxtın müxtəlif yerlərində reydlər keçirdi. Reyddə sənədləri qaydasında olmayan və avtobusu çirkli saxlayan sürücülər cərimələndi. Tibbi müayinədən keçmədən avtobusu idarə edir. Avtobus dayanacaqları isə avtoparka çevrilib. Kadrlar 20 yanvar dairəsində keçirilən reyddəndir.

Bir avtobus sürücüsünün sərnişin daşımaq üçün lazım olan bir neçə sənədi qaydasında deyil. Avtobusu natəmiz vəziyyətdə olan digər sürücü isə hərgün təmizləndiyini desə də, görüntülər belə deyil.

Reyd zamanı avtomobilini dayancaqda saxladığı üçün müfəttişləri görüb qaçanlar da oldu. Metronun «Gənclik» stansiyası yaxılınığındakı reyd zamanı avtobusu dayancaqdan kənarda yolun hərəkət hissəsində saxlayıb sərnişin götürən sürücülər də müfətişlərin gözündən yayınmadı.

Nəqliyyat Nazirliyi Dövlət Avtomobil Nəqliyyatı xidmətinin keçirdiyi reydin məqsədi bu sahədəki nöqsanları aşkara çıxarmaq, sürücülərin sənədlərinin qaydasında olub-olmadığını yoxlamaqdır.