Sərnişin avtobusdan yıxılaraq ağır xəsarət alıb

Abşeron rayonu, Masazır qəsəbəsində sürücü ehtiyatsızlığı bir nəfərin xəsarət almasına səbəb olub. Hadisə Duz gölünün yaxınlığında baş verib. Sərnişin - 1988-ci il təvəllüdlü Əhmədova Aytən Habil qızı dayanacaqda 535 nömrəli marşrut avtobusundan enmək istəyərkən sürücü qəfil nəqliyyat vasitəsini idarə etməyə başlayıb. Həmin vaxt A.Əhmədova yerə yıxılaraq xəsarət alıb. O, döş qəfəsinin sınığı və ağır kəllə-beyin travması diaqnozu ilə 3 nömrəli şəhər xəstəxanasına yerləşdirilib.
Faktı Abşeron Rayon Polis İdarəsi araşdırır. (APA )