Sərnişinlərə şad xəbər: Qatarların hərəkəti bərpa olunur

İki ildən çoxdur ki, fəaliyyəti dayanan sərnişin qatarlarının ölkədaxili hərəkəti bərpa oluna bilər.

Bu barədə Avtosfer.az-a etibarlı mənbələrdən məlumat daxil olub. Məlumata görə, yaxın vaxtlarda Azərbaycanda bir neçə bölgə istiqamətində qatarların hərəkəti bərpa olunacaq. İlk olaraq Bakı-Gəncə-Qazax dəmir yolu üzrə hərəkət edən qatarların bərpası gözlənilir. Qeyd edək ki, Azərbaycanda sərnişin qatarlarının fəaliyyəti iki ildən yuxarıdır ki, dayanıb. Nazirlər Kabinetinin yanında Operativ Qərargahdan Qaynarinfo-ya məsələ ilə bağlı məlumatsız olduqlarını bildiriblər.