Sərxoş sürücü qəza törətdi, 3 nəfər yaralandı

Binəqədidə sərxoş sürücü qəza törədib. Avtosfer.az-ın APA-ya istinadən verdiyi xəbərə görə,  Biləcəri qəsəbəsi Mikayıl Mikayılov küçəsində "VAZ 2107" markalı avtomobili ilə sürətlə hərəkətdə olan Cəlilabad rayon sakini Murtəza Həsənov sərt döngədə idarəetməni itirib. Nəticədə "VAZ 2107"  yol kənarında dayanan "MAN" markalı yük maşınına çırpılıb. Minik avtomobilində olan sürücü və iki sərnişin ətrafdakıların  köməyi ilə xəstəxanaya çatdırılıblar. Hadisə yerinə polis əməkdaşları gəlib. Taksi fəaliyyəti ilə məşğul olan Murtəza Həsənov və sərnişinlərinin sərxoş olduğu bildirilib. Faktla əlaqədar Binəqədi Rayon Polis İdarəsində araşdırma aparılır.