Sərxoş sürücülər 10 nəfərin həyatına son qoydu

Bu ilin ilk 4 ayı ərzində Azərbaycanda sərxoş vəziyyətdə nəqliyyat vasitəsini idarə edərək qəza törədən sürücülərin sayı 13 nəfər olub. Həmin qəzalar nəticəsində 10 nəfər ölüb. Bu barədə APA TV-də «Qoşa xətt» verilişinə Baş Dövlət Yol Polisi İdarəsinin höbə rəisi Kamran Əliyev məlumat verib. Onun sözlərinə görə, həmin yol qəzalarında xəsarət alanların sayı 11 nəfər olub. Şöbə rəisi bildirib ki, əvvələlər il ərzində məsuliyyətə cəlb olunan sərxoş sürücülərin sayı 20 mini keçirdisə, artıq bu rəqəm xeyli azalaraq 16-17 minə enib.

Qeyd edək ki, mayın 2-də Daxili İşlər Nazirliyində keçirilən kollegiya iclasında çıxış edən Baş Dövlət Yol Polisi İdarəsinin rəisi, polis general-mayoru Ramiz Zeynalov bildirib ki, 2013-cü ildə nəqliyyat vasitələrinin sərxoş vəziyyətdə idarə edilməsi ilə bağlı 10.424 protokol tərtib edilib. 

Emin