Şeyx 8 milyonluq maşın aldı – FOTO-VİDEO

Dubayda ərəb şeyxlərindən biri özünə lüks avtobus alıb. Şəhər küçələrində hərəkət edəcək bu avtomobili "Super Bus" adlandırırlar. "The Daily Mail" xəbər verir ki, 23 sərnişin yeri olan qeyri-adi maşın Hollandiyada, Delft Texnologiya Universitetində yaradılıb. Yaradıcı qrupa hollandlar arasında ilk dəfə kosmosda olan, 1985-ci ildə orbitə çıxmış professor Ubbo Oskels rəhbərlik edib. Avtobusu yaradan qrupda "Formula-1" avtoçempionatının aerodinamika üzrə mütəxəssisləri də vardı.

"Super Lamborgini"yə bənzəyən tünd-göy rəngli super avtobus 250 km/saat sürətlə hərəkət edə bilir. Maşının dəyəri 8,2 milyon avrodur. Uzunu 15 metr, eni 2,5 metr, hündürlüyü isə 1,65 metr olan maşın Dubayla Əbu-Dabi arasındakı 120 kilometrlik məsafəni yarım saatdan da az vaxta qət edəcək.