Şirvan polisi “VAZ” oğrusunu ələ keçirdi

Şirvan rayonunda bir gündə iki “VAZ-2106” markalı avtomobili qaçırmış şəxs həbs olunub. Daxili İşlər Nazirliyindən Avtosfer.az-a verilən məlumata əsasən, Şirvan şəhər polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 1-də Samir Məmmədova məxsus “VAZ-2106” markalı avtomobili qaçırmış şəhər sakini Sakit Qasımzadə tutulub. Ətrafında aparılmış əməliyyat tədbirləri ilə onun həmin gün Cavid Cəlalova məxsus “VAZ-2106” markalı  avtomobili qaçırması da müəyyən edilib.