Şirvanda “Opel” 2 qadını vurdu

Şirvanda avtomobil iki nəfər qadını vurub, qadınlardan biri ağır yaralanıb. Avtosfer.az-ın APA-ya istinadən verdiyi xəbərə görə, hadisə ötən gecə 22.35 radələrində Şirvan şəhərinin M.Ə. Rəsulzadə küçəsində baş verib. Şirvan şəhər sakini Abasov Vaqif  Məhəmməd oğlu idarə etdiyi “Opel Vectra” markalı 90 MR 308 dövlət nömrə nişanlı avtomobillə yolu keçən Şirvan sakinləri 1972-ci il təvəllüdlü Baxşiyeva  Sevda Vaqif qızını və 1960-cı il təvəllüdlü Qarayeva Sevda Vilayət qızını vurub. Yaralanan sakinlərdən birincisi Şirvan şəhər xəstəxanasının travmatologiya, digəri isə ağır vəziyyətdə olduğundan reanimasiya şöbəsinə yerləşdirilib.

Faktla bağlı Şirvan polis şöbəsində cinayət işi başlanıb, araşdırma aparılır.