ŞOK! Təyyarənin mühərrikini oğurlamaq istədilər

Türkiyənin İstanbul şəhərində qeyri-adi oğurluq hadisəsi baş verib. Anspress-in yerli mətbuata istinadən verdiyi məlumata görə, 4 nəfər Atatürk hava limanında təyyarənin mühərrikini oğurlamağa cəhd edib. Məlumata görə, hava limanı polisi 4 nəfər şübhəli şəxsi yük maşınına bəzi əşyalar yükləyərkən yaxalayıb. Polisi görən kimi qaçmağa çalışan şübhəlilər təqib nəticəsində ələ keçiriliblər. Yük maşınında axtarış aparan polislər burda 50 000 dollar dəyərində təyyarə mühərrikinə aid hissələr aşkarlayıblar. 

Polis bölməsinə aparılaraq ifadələri alınan 18 yaşlı E.M., 21 yaşlı B.G., 24 yaşlı D.G. və 30 yaşlı F.E. daha sonra məhkəməyə göndəriliblər.