Sosial şəbəkələrə giriş şəxsiyyət vəsiqəsi ilə olsun – TƏKLİF

Deputat sosial şəbəkələrə girişin şəxsiyyət vəsiqəsi ilə olmasını təklif edir. Bu fikirlə deputat Jalə Əhmədova Milli Məclisin İnsan hüquqları komitəsinin bu gün keçirilən iclasında çıxış edib. Deputat media işçilərinə müraciə edib: “Bir məlumatı yayan zaman onun doğruluğunu yoxlayın. Məlumat və şou xatirinə nələrisə yaymaq olmaz. Bu məsələləri peşəkar media işçilərimizə aid etmirəm. Hesab edirəm ki, peyri-peşəkar mətbuat işçilərinə nəzarət mexanizmi olmalıdır. Özüm də bu kimi informasiyalara məruz qalıram. Pisləmək çox asandır. Amma qurmaq, yaratmaq peşəkarlıq tələb edir”.

Deputat Elman Nəsirov da “Sosial şəbəkələrin tənzimlənməsi haqqında” qanun layihəsinin qəbul olunmasına ehtiyac olduğunu bildirib. Onun fikrincə, sosial şəbəkələrin fəaliyyəti ilə bağlı dinləmələr keçirilə bilər.