Subasma təhlükəsi ilə bağlı XƏBƏRDARLIQ

Mayın 26-da qonşu ölkələrin ərazisində Debit çayına yağan leysan nəticəsində çaydan güclü sel keçib, hazırda da davam etməkdədir. Avtosfer.az xəbər verir ki, bunu Milli Hidrometeorologiya Xidmətinin rəisi Nazim Mahmudov deyib.

Onun sözlərinə görə, Debit çayının Kürə töküldüyünü nəzərə alaraq, Gürcüstanda Kürə yağan yağışlar nəticəsində çayın Tbilisi məntəqəsində səviyyənin kəskin artması müşahidə olunur:

"Bununla əlaqədar olaraq, 26-28 may tarixlərinə Kür çayının Qıraq Kəsəmən məntəqəsində çayın səviyyəsinin artacağı, Qazax, Ağstafa və Tovuz ərazilərində subasma olacağı istisna olunmur. Yaranmış vəziyyətlə əlaqədar həmin ərazilərdə yaşayan əhalini diqqətli olmaq xahiş edilir, sahillərdən məsafə saxlamaq tövsiyə edilir".