Sükan arxasında yatanların törətdiyi qəzalar - VİDEO

Avtosfer.az saytı Bakıda avtobus və taksi sürücüsünün törətdiyi qəzaların videosunu təqdim edir. DİN-in «Təhlükəsiz şəhər» kameraları vasitəsilə qeydə alınan kadrlarda ilk olaraq avtobus qəzası əks olunub. Teymur Elçin küçəsində, Teleteatrın qarşısında baş vermiş bu qəzada avtobus sürücüsü sola dönərək «İçərişəhər» metrostansiyasına tərəf istiqamət götürür. Lakin diqqətsizliyin, təcrübəsizliyin və ya yuxulu olmağın nəticəsi özünü göstərir. Sürücü sərnişinlə dolu olan avtobusda idarəetməni itirir və qəza baş verir.

Növbəti qəza isə «VAZ-2106» markalı avtomobil tərəfindən törədilir. Bu qəzanın konkret Bakının hansı istiqamətində baş verdiyi bilinməsə də, görünən odur ki, gecə vaxtı taksi fəaliyyəti ilə məşğul olan «Jiquli»nin sürücüsü svetaforun qırmızı işığında avtomobillərin üstünə «hücum çəkir». Nəticədə, «Jiquli»nin arxadan vurduğu «Prado» qarşıdakı «Pikap»a çırpılır. Çox güman ki, taksi sürücüsü yuxulu idi. Çünki o, əvvəlcə sürəti azaltsa da, qəflətən hərəkətə gəlir və sürətlə qarşıdakı maşına çırpılır.

Videonu izlədikcə, avtobus və taksi sürücüsünün törətdiyi qəzanın səbəblərini anlamaq o qədər də çətin deyil.

Nurlan