Sulu qar, 15 dərəcə şaxta

Bakıda və Abşeron yarımadasında dekabrın 3-də hava şəraitinin soyuq, yağıntılı olacağı, sulu qar yağacağı, gecəyə doğru kəsiləcəyi, şimal küləyinin güclənəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, havanın temperaturu gündüz və səhər 3 dərəcəyədək isti, axşama doğru isə 0 dərəcəyə yaxın olacaq. Azərbaycanın bölgələrində fasilələrlə yağıntılı olacaq, sulu qar, dağlıq və dağətəyi ərazilərdə qar yağacaq. Qərb küləyi arabir güclənəcək. Aran rayonlarında havanın temperaturu gecə 1 dərəcə şaxtadan 3 dərəcəyədək isti, gündüz 3-8 dərəcə isti, dağlarda gecə 5-10, bəzi yerlərdə 15, gündüz 0-5 dərəcə şaxta olacaq.

Qeyd edək ki, qeyri-sabit, soyuq, şaxtalı hava şəraiti dekabrın 4-nə kimi davam edəcək.

Fidan