Sumqayıt şəhərində ölümlə nəticələnən ağır yol nəqliyyat hadisəsi baş verib. Hadisə şəhərin Hacı Zeynalabdin Tağıyev qəsəbəsində olub. Qəsəbənin girişindən keçən dəmiryolda yük qatarı ilə sərnişin avtobusu toqquşub. Hadisə nəticəsində orada çalışan bələdçi Mübariz Abdullayev faciəvi şəkildə ölüb. 

Hadisə yerinə polis və Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları cəlb olunub. Qəzanın hansı səbəbdən baş verdiyi məlum deyil. Faktla bağlı araşdırma aparılır.

***

Bu gün günorta saatlarında Sumqayıtda teplovozun vurduğu avtobus "Azərbaycan Dəmir Yolları" (ADY) İdarəsinin əməkdaşının üzərinə aşıb, həmin şəxs hadisə yerində vəfat edib. Avtosfer.az qafqazinfo-ya istinadən xəbər verir ki, günorta saat 13 radələrində boş avtobus dəmir yolunun üzərindən keçərkən texniki nasazlıq baş verib və avtobus sönərək xəttin üzərində qalıb. Bu zaman dəmir yolunda hərəkətdə olan teplovoz avtobusla toqquşub və avtobus aşaraq teplovozun hərəkətini tənzimləyən əməkdaşın üzərinə düşüb. ADY əməkdaşı hadisə yerində vəfat edib. Qəzaya düşən avtobus sərnişin avtobusu olmayıb və ictimai nəqliyyata aidiyyəti yoxdur. Həmin avtobusun Sumqayıtda fəaliyyət göstərən zavodlardan birinə məxsus olduğu bildirilir.