Sürücülərə hava xəbəri: 4 dərəcə şaxta olacaq

Oktyabrın 27-də ölkədə soyuq hava şəraiti üstünlük təşkil edəcək. Lent.az-ın məlumatına görə, Ekologiya və Təbii Sərvətlər Nazirliyinin Milli Hidrometeorologiya Departamentindən bildiriblər ki, Bakıda və Abşeron yarımadasında oktyabrın 27-də gecə və səhər bəzi yerlərdə yağış yağacağı, gündüz dəyişkən buludlu olacağı, arabir tutulacağı gözlənilir. Şimal-şərq küləyi əsəcək. Bakıda və Abşeron yarımadasında oktyabrın 27-də havanın temperaturu gecə 6-8, gündüz 11-13 dərəcə isti olacağı gözlənilir. Azərbaycanın rayonlarında bəzi yerlərdə yağış yağacaq, dağlıq və dağətəyi rayonlarda sulu qar və qar yağacaq. Şərq küləyi əsəcək.

Aran rayonlarında havanın temperaturunun gecə 5-10, gündüz 12-17 dərəcə isti olacaq. Dağlarda gecə 4 dərəcə şaxtadan 1 dərəcəyədək isti, gündüz 3-8 dərəcə isti olacaq.

Fidan