Sürücülərə hava xəbəri; qar yağacaq

Azərbaycan ərazisində havanın dəyişəcəyi barədə xəbərdarlıq edilib. Ekologiya və Təbii Sərvətlər Nazirliyinin Milli Hidrometeorologiya Departamentindən Avtosfer.az-a verilən məlumata görə, dekabrın 2-3-də ölkə ərazisində hava şəraitinin qeyri-sabit, soyuq keçəcəyi, şimal küləyinin güclənəcəyi, yağıntılı olacağı gözlənilir. Dekabrın 3-də respublikanın bəzi rayonlarında sulu qara keçəcəyi gözlənilir. Dekabrın 2-3-də dağlıq və dağətəyi rayonlarda qar yağacaq. Yağıntıların bəzi ərazilərdə intensivləşəcəyi ehtimal olunur.

Fidan