Sürücülərə MÜRACİƏT

Yol Polisi hava şəraiti ilə bağlı sürücülərə müraciət edib. Baş Dövlət Yol Polisi İdarəsindən (BŞDYPİ) Avtosfer.az-a verilən məlumata görə, fevralın 20-dən 23-dək ölkə ərazisində hava şəraitinin kəskin pisləşəcəyi, həmçinin yolların buz bağlayacağı ilə əlaqədar sürücülərə son dərəcə diqqətli olmağı tövsiyə edilir.

BŞDYPİ sürücülərə xüsusi qış təkərlərindən istifadə etməyi, nəqliyyat vasitələrini texniki baxışdan keçirməyi, qış üçün təkər və işıq faralarını uyğun hala gətirməyi, avtomobillərində zəncir, dartı kəndiri və s. lazımi avadanlıqların olmasını təmin etməyi, təqib məsafəsinə diqqət edərək məcbur qalmadıqca ötmə hərəkəti etməməyi, dumanlı hava şəraitində gündüz saatlarında yaxını göstərən faraları yandırmağı məsləhət görür.