Sürücülərə pis xəbər; bu yollar 6 gün bağlı olacaq

Fevralın 25-i gecə saat 22-dən etibarən Dilarə Əliyeva küçəsinin Puşkin küçəsi ilə kəsişməsindən “Azərbaycan Dəmir Yolları” QSC-in qarşısınadək olan hissəsində avtomobillərin hərəkəti dayandırılacaq. “Azəryolservis” ASC-dən Avtosfer.az-a verilən məlumata görə, Asfalt-beton örtüyünün döşənməsi, kommunikasiya quyularının dəyişdirilməsi ilə əlaqədar 5-6 gün müddətinə həmin hissə bağlı olacaqdır.

Hazırda isə Dilarə Əliyeva küçəsinin Keykab Səfərəliyeva küçəsilə kəsişməsindən "Azərbaycan Dəmir Yolları "QSC-in qarşısına qədər olan hissəsində asfalt-beton örtüyünün döşənməsinə başlanılıb. Artıq sözügedən küçənin Keykab Səfərəliyeva küçəsiləPuşkin küçəsinə kəsişməsinədək olan hissəsində frezlənmə və mərmər səki daşlarının düzülməsi işləri başa çatdırılıb. Hazırda bağlı olan hissədə işlər sürətlə davam etdirilir. Həmin hissənin 3 gün ərzində yekunlaşması gözlənilir.

Sürücülərə alternativ yollardan istifadə etmələri tövsiyyə olunur.

Emin