Sürücülərin nəzərinə: TQDK-nın qarşısında yol bağlanacaq
Gündəm
10 İyun 2014 15:47
Oxunub 1793
Pünhan Mürsəliyev sürücülərdən alternativ yollardan istifadə etməyi məsləhət bilir
Bu gün Bakının mərkəzi küçələrindən birində nəqliyyatın hərəkəti məhdudlaşdırılacaq. Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev bildirib ki, bu gecə saat 00:00-dan etibarən paytaxtın Həsən Əliyev küçəsinin Səməd Vurğun küçəsi kəsişməsindən Cəlil Məmmədquluzadə küçəsinədək yol bağlanacaq. Buna səbəb yolda yeni asfalt-beton örtüyünün salınmasıdır. P.Mürsəliyev sürücülərdən alternativ yollardan istifadə etməyi məsləhət bilib.
Qeyd edək ki, həmin yolda hərəkət 4 gün əvvəl məhdudlaşdırılmalı və təmir işləri başlanmalı idi. Lakin ərazidəki orta məktəblərdə keçirilən buraxılış imtahanlarına görə bu iş təxirə salınmışdı.
ŞƏRH YAZ
DİGƏR XƏBƏRLƏR