Taksilərin dayanacaq problemi: hansı işlər görülür? - VİDEO

Sayları çoxdur, dayanmağa isə yer tapmırlar. Paytaxtda taski fəaliyyəti ilə məşğul olanlar duracaqların azlığından əziyyət çəkirlər. Onları sözlərinə görə, yalnız bir neçə ərazidəbelə yerlər var ki, həmin duracaqları da daha çox digər avtomobillər zəbt edirlər.

Belə vəziyyətdə isə sürücülər ya avtobus dayanacaqlarında, ya da  kənar yerlərdə müştəri gözləmək məcburiyyətində qaldıqlarını deyirlər. 

Taksi dayanacağında avtomobilini park edən şəxslərdən birinin də fikirlərini öyrənməyə çalışdıq.

Nəqliyyat Məsələləri üzrə ekspert Ərşad Hüseynov bildirir ki, son illər taksi fəaliyyətiylə məşğul olanların sayı xeyli artıb.  Buna görə də, duracaqlarla bağlı problem həllini tapmır.

Bakı Nəqliyyat Agentliyindən sorğumuza cavab olaraq bildirildi ki, bu günə qədər paytaxtda ümumilikdə 127  taksi duracaq yerləri təşkil edilib. Proses davamlı olaraq aparılır. Agentlikdən həmçinin qeyd edildi ki, problemin səbəblərindən biri də qanunsuz taksi fəaliyyəti göstərənlərin sayının çoxluğu ilə bağlıdır.