Təzə maşın aldı; avtosalondan çıxan kimi qəza törətdi - FOTO

Təptəzə «Tesla Model S» sahibi öz elektrokarını aldıqdan cəmi bir neçə saniyə sonra onu darmadağın edib. Maşınını tələsik götürüb çıxmaq istəyən sürücü bilavasitə avtosalonun içində qəza törətməyə imkan tapıb. Hadisə bir neçə gün əvvəl Kaliforniyanın Frimont şəhərində baş verib. Çox güman ki, sürücü akselerator pedalı ilə əyləc pedalını qarışıq salıb və nümayiş zalını keçərək şou-rumun vitrinindən bayıra sıçrayıb. Elektrokar yalnız avtosalonun qarşısındakı reklam lövhəsinə dəydikdən sonra dayana bilib.

Avtosfer.az 4charx.com-a istinadən bildirir ki, nəticədə təzə «Tesla Model S» diler mərkəzini tərk etməyə macal tapmamış birbaşa texniki xidmət bölməsinə aparılıb. Avtomobilin sahibi isə maşının təmir xərclərindən başqa zədələnmiş şou-rumu da bərpa etməli olacaq.