Tovuzda qəza: 3 yaralı - VİDEO

Tovuzda 3 nəfərin yaralanması ilə nəticələnən ağır yol nəqliyyat qəzası baş verib. Hadisə Bakı-Qazax magistral yolunun Tovuz rayon Cəlilli kəndindən keçən hissəsində baş verib. Belə ki Şəmkir rayon sakini 67 yaşlı Fərhad Həsənovun idarə etdiyi “VAZ-2106” markalı avtomobillə Tovuz rayon sakini 27 yaşlı Rauf Məmmədovun idarə etdiyi “VAZ-2104” markalı avtomobil toqquşub. Qəza zamanı hər iki avtomobilin sürücüsü və “VAZ-2106”da olan sürücünü həyat yoldaşı 59 yaşlı Səlbi Həsənova müxtəlif bədən xəsarətləri alıb. Yaralılar Tovuz Mərkəzi Rayon Xəstəxanasına yerləşdirilib. Qəzanın təfərratları Tovuz Rayon Polis şöbəsində araşdırılır.