Toy karvanında maşından atəş açıb 19 yaşlı qızı öldürdülər

Fransanın Marli şəhərində toyda bədbəxt hadisə baş verib. Avtosfer.az-ın anspress-ə istinadən məlumatına görə, toy karvanındakı avtomobillərdən birində olan oğlan atəşfəşanlıq əhval-ruhiyyəsi yaratmaq üçün havaya atəş açıb. Bu zaman güllə başqa toya gedən 19 yaşlı qızın başına dəyib. Qız Fransanın Eks-an-Provans şəhərindən xüsusilə bu toya görə gəlibmiş. Onun nikah mərasimində iştirakı Marlidəki dostları üçün sürpriz olmalı idi. Amma yazıq qız buna imkan tapmamış özü sürptizlə qarşılaşdı. Qız xəstəxanaya yerləşdirilsə də, həkimlər onu xilas edə bilməyiblər. 

Polis avtomobilin sahibini və atəş açan sərnişini həbs edib. Sürücü dindirilmə zamanı bəyin ən yaxın dostu kimi toya dəvət edildiyini, dəvət edilməyən atəş açan tanışını isə özü ilə götürdüyünü bildirib.