“Toyota” “Mercedes”lə toqquşub

Bakının Babək prospektində qəza baş verib. APA-nın məlumatına görə, qəzada “Toyota” və “Mercedes” markalı avtomobillər toqquşub. Qəza nəticəsində xəsarət alan olmasa da avtomobillərə ciddi ziyan dəyib. Hadisə yerində Dövlət Yol Polisi İdarəsinin Nizami Rayon Şöbəsinin əməkdaşları gəlib. Aparılan ilkin araşdırmadan məlum olub ki, qəzaya prospektdə sürət həddinin aşılması səbəb olub. Hər iki avtomobil evakuator vasitəsi ilə cərimə meydançasına aparılıb. Faktla bağlı Dövlət Yol Polisi İdarəsinin Nizami Rayon Şöbəsində araşdırma aparılır.