Tunellərdə avtobuslar batdı - VİDEO

Bakı və Abşeron yarımadasına yağan leysan yağış çoxsaylı fəsadlar törədib.

Avtosfer.az xəbər verir ki, ən ağır vəziyyət yol qovşaqlarında yerləşən tunellərdə qeydə alınıb.

Belə ki, gecə saatlarında bir çox tunellər, eləcə də Xəzər rayonu Mərdəkan qəsəbəsi ərazisindəki tuneli su ilə dolub.

Nəticədə avtomobillər və avtobus suda bataraq hərəkətsiz qalıb. Mərdəkan tunelində suda batan “Hyundai Caunty” markalı avtobusu çıxarmaq üçün əraziyə texnika cəlb edilib.

Analoji hal Bakıda Suraxanı rayonu ərazisindəki tuneldə də qeydə alınıb. BAKU.WS-in  məlumatına görə, sərnişin avtobusu suyun içində batıb qalıb.

Məlumata görə, nəqliyyat vasitəsi suyun içində qalarkən avtobusda sərnişinlər də olub.

Bildirilib ki, suyun içində avtobusda qalan sərnişinlər kəndirlə xilas edilib.

Sosial şəbəkələrdə yayılmış görüntüləri təqdim edirik: