Türkiyə Rusiyanın Su-35 və Su-57 qırıcıları ilə silahlana bilər

Şəbəkədə Türkiyənin Sənaye və Texnologiya naziri Mustafa Varankın yeni açıqlaması yayılıb. Onun sözlərinə görə, Türkiyə Rusiyanın Su-35 və Su-57 qırıcılarının alınması variantını nəzərdən keçirir.

Nazir Su-35 və Su-57-nin Rusiyadan alınması məsələsinin iki ölkə liderlərinin görüşlərində dəfələrlə qaldırıldığını söyləyib. 

O, qeyd edib ki, dövlət başçıları hətta bəzi razılaşmalar əldə ediblər: “Əlbəttə, bizim prioritetimiz, ilk növbədə, beşinci nəsil döyüş qırıcılarının istifadəsində Türkiyənin öz qabiliyyətlərinin inkişafıdır. Ancaq Rusiyanın ehtiyaclarımıza və hədəflərimizə cavab verən bir təyyarəsi varsa, Türkiyə onu alacaq”.

Paylaş