Türkiyədə matəm elan olundu

Türkiyənin Bolu vilayətinin Kartalkaya dağ-xizək mərkəzinin hotelində baş vermiş yanğınla bağlı ölkədə birgünlük matəm elan olunub.

Avtosfer.az "TRTHaber"ə istinadən xəbər verir ki, Türkiyə Prezidenti Rəcəb Tayyib Ərdoğan yanvarın 22-də ölkədə matəm günü elan olunduğunu açıqlayıb.

Xatırladaq ki, Türkiyənin Bolu vilayətində yerləşən Kartalkaya xizək mərkəzindəki oteldə gecə saatlarında yanğın baş verib. Yanğının söndürülməsi üçün bölgəyə 156 texnika və 428 nəfərdən ibarət canlı qüvvə yönləndirilib. On saat davam edən yanğınsöndürmə işlərindən sonra alov nəzarət altına alınıb. Hadisə nəticəsində 66 nəfər ölüb, 51 nəfər yaralanıb. Xəsarət alanlar arasında vəziyyəti ağır olanlar var. Yanğınla əlaqədar 4 nəfər saxlanılıb.

Namiq