Uruqvayda vaksin daşıyan helikopter yandı

Uruqvay Hərbi Hava Qüvvələrinə məxsus helikopter qəza enişi zamanı alışaraq yanıb.

Bu barədə yerli “El Observador” qəzeti məlumat yayıb.

Məlumatda bildirilib ki, helikopterdə 180 doz “Pfizer” pevvəndi olub.

Qəza nəticəsində vaksinlərin hamısının yanaraq məhv olduğu qeyd edilib.

Vaksinləri Roça şəhərinə çatdırmalı olan helikopter texniki nasazlıq səbəbindən ondan 30 km aralıda təcili enməyə məcbur olub. Heyət üzvləri yüngül xəsarətlərlə xilas ola biliblər.