«Uşaqların küçə həyatına son qoyaq!»

2 sentyabr  2014- il  tarixindən  Sumqayıt şəhərində, “Gənc və Yeniyetmələrə Psixo-Sosioloji Kömək ” Xeyriyyə Fondu, Azərbaycan Respublikasının Prezidenti yanında Gənclər Fondunun  maliyyə dəstəyilə  “Uşaqların küçə həyatına son qoyaq!» layihəsi çərçivəsində təlim-seminarların keçirilməsinə start verilib. Təlim-seminarlar Sumqayıt şəhərinin müxtəlif ərazilərini və  qəsəbələrini əhatə edəcək. Layihənin məqsədi gələcək gənc nəslin sağlam inkişafı üçün yerli səviyyədə küçə və kimsəsiz uşaq probleminə pozitiv töhvə vermək, bir qrup bu uşaqları ilkin dövr üçün təlim-tərbiyəyə cəlb edərək, onların sağlamlıqlarını, normal həyata sosial reabilitasiyalarına dəstək verməkdir. Sumqayıt  şəhərində “küçə” və kimsəsiz uşaqlar barədə məlumatları aidiyyəti orqanlardan toplamaq, yerlərdə praktik araşdırma və tədqiqatı təşkil etməkdir. Bu uşaqları birliyin nəzdində olan Uşaq İnkişaf Mərkəzinə ilkin dövr üçün cəlb etmək onların psixo-sosial reabilitasiyası üçün müayinə, korrektə işini təşkil etməkdir. Digər uşaqlar kimi onların ilkin dövrdə müvafiq tələbatlarının ödənilməsi, təlim-tərbiyəsi, qidalanması, asudə vaxtının səmərəli təşkili, cəmiyyətə inteqrasiyası üçün imkanları səfərbər etmək daha sonra bu uşaqların taleyi ilə bağlı müvafiq instansiyalar qarşısında ictimai vəkilliyi həyata keçirməkdir.