Avtosfer.az | Reklam
ÜST Azərbaycanın COVAX mexanizminə qoşulmasını alqışlayıb
Gündəm 25 Sentyabr 2020 12:07 Oxunub 300
ÜST Azərbaycanın COVAX mexanizminə qoşulmasını alqışlayıb

Ümumdünya Səhiyyə Təşkilatının (ÜST) Azərbaycan nümayəndəliyi rəsmi Bakının COVAX mexanizminə qoşulma təşəbbüsünü alqışlayıb.

Bu barədə "Report"a ÜST-nin Azərbaycan nümayəndəliyindən bildirilib.

İcbari Tibbi Sığorta üzrə Dövlət Agentliyi və GAVI (Global Alliance for Vaccines) arasında bağlanan sazişə əsasən ÜST-nin prekvalifikasiya mərhələsindən keçmiş COVID-19 əleyhinə peyvənd istehsal olunduqda Azərbaycan peyvəndi ilk əldə edən ölkələrdən biri olacaq.

Qeyd edək ki, COVAX bütün ölkələr üçün effektiv peyvənd axtarışını sürətləndirən, dünyada COVID-19-a qarşı peyvəndlərə sürətli, ədalətli və bərabər əlçatanlığı təmin etmək üçün hazırlanmış bir mexanizmdir.

COVAX-ın məqsədi 2021-ci ilin sonunadək normativ təsdiqlənmə və/və ya ÜST-nin prekvalifikasiya mərhələsindən keçmiş iki milyard doza miqdarında təhlükəsiz və effektiv peyvəndin paylanmasıdır.

ŞƏRH YAZ
Ad

E-mail

Şərh