Vağzal gücləndirilmiş rejimə keçdi: bilet yoxdur

Bu gündən etibarən Azərbaycan Dəmir Yolları QSC gücləndirilmiş iş rejimində çalışacaq. Gücləndirilmiş iş rejimi yanvarın 3-dək davam edəcək. QSC-nin mətbuat katibliyinin rəisi Nadir Əzməmmədov bildirib ki, yaranan sıxlığın qismən aradan qaldırılması üçün bütün istiqamətdə hərəkət edən qatarlara əlavə vaqonlar qoşulacaq: “Hazırda qərb istiqamətində hərəkət edən qatarlarda sərnişin sıxlığı müşahidə edilir. Hissə-hissə qatarlara əlavə vaqonlar qoşulur. Sərnişin sıxlığı nəzərə alınaraq bütün istiqamətlərə əlavə vaqonlar qoşulacaq”. Lakin vəziyyət heç də ürəkaçan deyil. Bakı-sərnişin stansiyasının məlumat bürosundan aldığımız məlumata görə isə, dekabrın 31-dək heç bir istiqamətə bilet yoxdur: “Hazırda bilet yoxdur. Yanvarın 8-nə olan reyslərə bilet satırıq”./ axar.az/