"VAZ" markalı avtomobillərə qənim kəsilən gənclər tutuldu

Bakıda VAZ markalı 4 avtomobili oğurlamış 5 gənc tutulub. Bakı Şəhər Baş Polis İdarəsinin (BŞBPİ) mətbuat xidmətindən Avtosfer.az-a verilən məlumata görə, Sabunçu Rayon Polis İdarəsi 12 və 15-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində Amil Abışova, Əzim Ovçuyevə, Urşan Quliyevə məxsus “VAZ 2107”, Arif Məmmədova məxsus “VAZ-2106” markalı avtomobilləri qaçırmaqda şübhəli bilinən Bakı şəhər sakinləri tutulublar. Bunlar 1992-ci il təvəllüdlü Rahədin Məmmədov, 1993-cü il təvəllüdlü Əhliman Səlimov, 1991-ci il təvəllüdlü Hüseyn Quliyev, Biləsuvar rayon sakini 1997-ci il təvəllüdlü Əmrah Əsgərli, Şərur rayon sakini 1996-cı il təvəllüdlü Əmrah Fərəcovdur.