Vertolyot gölə düşdü: 11 nəfər sağ qaldı

Rusiyada göyərtəsində 13 sərnişin və 3 ekipaj üzü olan Mi-8 vertolyotu Oxot dənizindəki Onqaçan körfəzinə düşüb. Anspress-in Rusiya Fövqəladə Hallar Nazirliyinin (FHN) regional mərkəzinə istinadən verdiyi məlumata görə, qəza nəticəsində 5 nəfər ölüb, 11 nəfəri isə xilas etmək mümkün olub. Vertolyot Ongaçan körfəzi ətrafındakı Tuquro-Çumikanski rayonunda yerləşən Polina Osipenkon qəsəbəsindən havaya qalxıb. Amma təyin olunmuş vaxtda yerə enməyib. Daha sonra vertolyotun komandiri əlaqəya çıxıb və fövqəladə vəziyyət haqda xəbər verib. 

FHN qəza yerindən itkin düşənlərə və zərər çəkənlər üçün vertolyotlar və gəmilər göndərib. Vertolyot uçuşu fərdi şəxsin sifarışi ilə həyata keçirilib. Qəzayla bağlı cinayət işi açılıb və araşdırma aparılır.