XƏBƏRDARLIQ; yağış, leysan, dolu gözlənilir

Ekologiya və Təbii Sərvətlər Nazirliyi (ETSN) ölkə ərazisində hava şəraitinin pisləşəcəyi ilə bağlı xəbərdarlıq edib. Nazirlikdən verilən məlumata görə, iyunun 5-dək ölkə ərazisində hava şəraitinin qeyri-sabit keçəcəyi, arabir yağış yağacağı, bəzi dağlıq və dağətəyi rayonlarda leysan xarakterli olacağı, dolu düşəcəyi ehtimalı var. İyunun 3-də axşam və 4-də gecə və səhər şimal küləyinin güclənəcəyi gözlənilir ki, bu da meteohəssas insanlar üçün nisbətən əlverişsizdir. Bakıda və Abşeron yarımadasında iyunun 4-də hava şəraitinin dəyişkən buludlu olacağı, arabir tutulacağı, bəzi yerlərdə qısamüddətli yağış yağacağı gözlənilir. Gecəyə doğru yarımadanın bəzi yerlərində şimşək çaxacağı ehtimalı var. Arabir güclənən şimal-qərb küləyi axşama doğru mülayimləşəcək. Havanın temperaturu gecə 16-20, gündüz 22-26 dərəcə isti təşkil edəcək.  Azərbaycanın rayonlarında sabah şimşək çaxacaq, arabir yağış yağacaq. Şimal-qərb küləyi əsəcək, ayrı-ayrı yerlərdə güclənəcək. Havanın temperaturunun gecə 15-20, gündüz 25-30, dağlarda gecə 7-12, gündüz 16-21 dərəcə isti olacağı gözlənilir.

Fərid