Xəzərin dayazlaşması Aktau limanındakı tankerlərə problemlər yaradır

Xəzər dənizinin dayazlaşması Aktau Beynəlxalq Dəniz Ticarət Limanının işinə mənfi təsir göstərməyə başlayıb.
Avtosfer.az "AZƏRTAC"a istinadla xəbər verir ki, yük gəmilərinin və neft tankerlərinin limana təhlükəsiz daxil olması üçün onlar artıq tam yox, 10 faiz daha az yüklənməlidir.
Aktau liman departamentinin rəhbəri Yerbolat Tlepiyevin izah etdiyi kimi, 6500 ton üçün nəzərdə tutulmuş quru yük gəmiləri indiki şəraitdə 5500 tondan artıq yük götürə bilməz. Tankerlərdə də vəziyyət oxşardır. Belə ki, yükgötürmə qabiliyyəti 6800 ton olan tanker cəmi 6500 ton yüklənir, 12000 tona qədər tutumlu gəmilər isə cəmi 9-10000 ton yük qəbul edir. Əks halda, tam yüklənən gəmilərin gövdəsinin aşağı hissəsi dənizin dibinə toxunmağa başlayır.
Yerbolat Tlepiyev vurğulayıb ki, ilin sonuna qədər dərinləşdirmə işləri aparılmazsa və suyun səviyyəsi aşağı düşməkdə davam edərsə, gəmiçilik səmərəsiz olacaq.
Qazaxıstanın nəqliyyat naziri Marat Karabayev bildirib ki, problemin həlli üçün Aktau limanının sularında dərinləşdirmə işlərinə başlanılacaq. Analoji tədbirlər ötən il Kurık limanında uğurla həyata keçirilib.
Nəqliyyat naziri bildirib: “Mayda dərinləşdirmə işlərinə başlamağı planlaşdırırıq. İlin sonunadək işlərin bir hissəsini yekunlaşdıracağıq. Gələn il ikinci mərhələni də həyata keçirəcəyik. Bu işlər gəmiləri tam yükləməyə imkan verir. Dənizin dibindən çıxarılan qum dayaz yerlərə tökülərək hündürlüyü 2 metr artırır. Bunun sayəsində 171 hektar əlavə torpaq sahəsi yaranacaq və burada terminalın tikintisi planı həyata keçiriləcək”.
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq












