Xırdalanda xətt partladı, yolları su basdı - FOTO

Xırdalan şəhərində "119-un yolu" deyilən ərazidə su xətti partlayıb və nəticədə yolları su basıb.

Avtosfer.az qafqazinfo-ya istinadən bildirir ki,  sözügedən ərazidə vəziyyət dünən axşamdan etibarən belədir. 

Hətta yollarda sakinlərin piyada hərəkət etməsi də çətinləşib.

Abşeron Rayon İcra Hakimiyyətindən saytımıza bildirilib ki, həmin məsələ ilə bağlı Abşeron Rayonu Sukanal İdarəsi məşğul olur: "Əgər belə hal varsa, sakinlər zəng edib şikayətlərini bildirsinlər. Onlarla kobud davranılsa, problem həll olunmasa, o zaman İcra Hakimiyyəti məsələni öz öhdəsinə götürə bilər".