Yataqxana binasına bitişik tikilidə yanğın baş verib - Yasamalda

Yasamal rayonunda beşmərtəbəli yataqxana binasına bitişik ümumi sahəsi 80 kvadratmetr olan taxta tikilidə yanğın baş verib.

Fövqəladə Hallar Nazirliyindən bildiriblər ki, hadisə nəticəsində tikili və içərisindəki ev əşyaları 74 kvadratmetr sahədə, yataqxana binasının birinci mərtəbəsinin dəhlizində dolab yanıb. Yüksək temperaturdan yataqxana binasının yaşayış olmayan hissəsində birinci və üçüncü mərtəbələrin arasındakı pəncərələrin çərçivələri, ikinci və dördüncü mərtəbələrin arasındakı eyvanların taxta üzlükləri qarsalanıb. Bina yanğından mühafizə olunub. Alov yanğından mühafizə bölmələri tərəfindən söndürülüb.

Hadisə ilə bağlı müvafiq qurumlar tərəfindən araşdırma aparılır.