Qələbəmizlə başa çatan 44 günlük Vətən müharibəsində şəhid olmuş baş leytenant İlqar Zeynalovun övladı dünyaya gəlib.

Avtosfer.az-ın məlumatına görə, körpəyə şəhid atasının adı verilib.

Qeyd edək ki, şəhid baş leytenant Zeynalov İlqar Natiq oğlu 1989-cu ildə Cəlilabad rayonunun Zopun kəndində doğulub. O, 2020-ci ilin oktyabr ayında Ağdərə istiqamətində gedən döyüşlərdə şəhid olub.

Ölümündən sonra "Vətən uğrunda", "Suqovuşanın azad olunmasına görə" və "Laçının azad olunmasına görə" medalları ilə təltif edilib.