Yeni qlobal dəmir yolu layihəsi; türklər Məkkəni daha ucuz qiymətə ziyarət edəcək – RƏSMİ

Osmanlı Sultanı II Əbdülhəmid tərəfindən 1900-cü ildə əsası qoyulan və 1908-ci ildə fəaliyyətə başlayan və İstanbulu Şam, Mədinə və Məkkə şəhərləri ilə birləşdirən məşhur Hicaz Dəmir Yolunun yenidən qurulması istiqamətində mühüm addım atılıb.

Asvtosfer.az xəbər verir ki, bu barədə Türkiyənin Qaziantep şəhər bələdiyyəsinin başqanı Fatma Şahin məlumat yayıb. Türkiyənin nəqliyyat və infrastruktur naziri Abdulkadir Uraloğlu Səudiyyə Ərəbistanında imzalanan memorandum çərçivəsində tarixi dəmir yolunun müasir yüksək sürətli qatar xətti kimi yenidən istifadəyə verilməsi ilə bağlı razılıq əldə olunduğunu açıqlayıb.

Məlumata görə, layihənin təxminən üç il ərzində tamamlanması nəzərdə tutulur.

Tarixə nəzər salsaq, Hicaz Dəmir Yolu Osmanlı imperiyasının ən mühüm nəqliyyat layihələrindən biri hesab olunurdu. Birinci Dünya müharibəsi illərində ərəb üsyanı zamanı dəmir yolunun bir çox hissəsi dağıdılmış, relslər və qatarlar istifadəsiz vəziyyətdə qalmışdı.

Yeni layihə çərçivəsində isə həmin marşrutun müasir standartlara uyğun yüksək sürətli qatar xətti kimi bərpası planlaşdırılır. Bildirilir ki, xətt İstanbuldan başlayaraq Qaziantepin İslahiyə bölgəsi üzərindən Yaxın Şərqin mühüm nəqliyyat dəhlizlərindən birinə çevrilə bilər.

Mütəxəssislərin fikrincə, layihə yalnız nəqliyyat baxımından deyil, həm də iqtisadi və geosiyasi əhəmiyyət daşıyır. Yeni xəttin regionda ticarət əlaqələrinin genişlənməsinə, yük və sərnişin daşımalarının sürətlənməsinə, eləcə də Türkiyənin regional logistika mərkəzi kimi rolunun güclənməsinə töhfə verəcəyi gözlənilir.

Bu xətt bərpa olunduqdan sonra Türkiyə və Suriya vətəndaşları Məkkə və Mədinəyə daha ucuz qiymətə ziyarət edə biləcəklər.

Səfər