Yerə asteroid yaxınlaşır

ABŞ-ın Milli Aeronavtika və Kosmik Fəzanın Tədqiqi İdarəsinin (NASA) məlumatına görə 84-190 metr diametrli “2009 PQ1” asteroidi Yerə yaxınlaşır. Şamaxı Astrofizika Rəsədxanasından verilən məlumata görə, bu ölçüdə olan asteroidlər (diametri 100 metrdən çox) Yerə potensial təhlükə olaraq qiymətləndirilir.
Qeyd edək ki, “2009 PQ1” adlı asteroid 2009-cu il avqustun 14-də kəşf olunub. Astronomlar onu Apollonlar sinfinə – orbitləri Yer orbiti ilə kəsişən asteroidlərə aid edirlər.
Asteroid avqustun 5-də axşam saat 20:35-də saniyədə 13,4 kilometr sürətlə Yerə ən yaxın məsafədən - 3,2 milyon kilometr yaxınlıqdan keçəcək ki, bu da Yerlə Ay arasındakı məsafədən 7 dəfə çoxdur.
Növbəti dəfə bu səma cismi Yerə 2137 ci ildə yaxınlaşacaq.

Namiq Musayev